Urte asko daramazu musikari lanetan, nola hasi zinen musika munduan?

Jean Paul Bluey Maunick: Bost urte nituela hasi nintzen musika munduan. Mauricio izeneko uhartean jaio nintzen eta hondartzan ikasi nuen musika jotzen. Garai hartan bihurtu nintzen musikari profesionala, jendeak musika jotzeagatik ordaindu egiten baitzidan, beraz oso gaztetik musikari profesionala naizela esan daiteke.

Konposatzen duzun musikan Philadelphiako soinuaren eragin garbia nabari daiteke. Horrela da?

Bai, horrela da. Musika mota hau entzun bezain pronto gustatu zitzaidan eta hasieratik oso garbi nuen musika honek nik egindako kantuetan funtsezko eragina izango zuela.

Zeintzuk dira zure artista gustukoenak?

Asko dira. Steve Wonder, Herbie Hancock, Earth, Wind & Fire... Philadelphia soinuko musikari guztiak oro har eta bereziki Minnie Riperton. Azken honek kantatzeko modu desberdinak daudela erakutsi zidan eta berari esker kantatzerakoan goxotasunak duen garrantziaz ohartu nintzen. Pertsona bezala, umiltasunaren balorea zein inportantea den erakutsi zidan eta bakoitzak egindako lanarekin umila izan behar garela. Asko ikasi dut berarekin.

Zer bilatzen duzu zure musikarekin?

Incognitorekin aniztasuna lantzen saiatzen naiz, ez dut errepikakorra izan nahi eta horregatik disko batetik bestera gauza berriak, desberdinak probatzea gustatzen zait.

Hori dela eta aldatzen duzu abeslariz etengabe?

Taldearen izenak dioen modura