Klikatu argazkien gainean handiago ikusteko
Lehen Garzon, orain Grande-Marlaska. Halere, txakurrak berdina izaten jarraitzen du lepokoak lepoko. Aldatzeko ordua dela diote, egiteko ordua, hozka egitekoa. Mezua bere abestietan dago, ez dago ezkutuan, ez sobera agerian ere. Lehen aldiz joko dute Euskal Herrian nahiz eta lotura asko izan hemengo lagun askorekin. Euren El momento de hacer estreinako disko luzea aurkeztera datoz. Gu Roberto Herreros-ekin (gitarra eta ahotsa) mintzatu gara euren bisitaren nondik norakoak ezagutzeko.
Erratzen ez banaiz, lehen aldia da Euskal Herrian jotzen duzuela. Nola aurkezten dira kontzertu bi hauek?
Ongi, gogo handia dugu. Lotura afektibo aunitz dugu Euskal Herrian eta bageneukan arantza kentzeko gogoa, ez baitugu inoiz hemen jo. Gainera, taldearen izen biek beti eduki dute lotura handia Euskal Herriarekin, kar, kar, kar.
Egiteko momentua da, baina zer egiteko?
Hasteko, zerbait egitearekin konformatzen naiz. Ezkerrak hamarkadak daramatza bere burua birpentsatzen. Uste dut aski dela, momenturen batean ekintzara pasa beharko dela. Baina modu askotan interpretatu daiteke. Gizarte mugimenduetatik at, uste dut mezua pasibitatetik ateratzera bideratuagoa egonen litzatekeela.
Halako urgentzia bat dago gauzak aldatzeko Rentr