Pozik gelditu al zarete lan berri honekin? Zeintzuk dira zuen sentsazioak?

Orain arte egin dugun diskorik landuena eta gogorrena da. Oso pozik gelditu gara, egia esan. Hasieratik murgildu gara honetan eta azkenean iritsi da kalean ikusteko unea. Urte luze bat izan da.

Nola ikusten dituzu orain gauzak atzera begiratzean?

Egia esaten badizut, Amaiurrek taldea uztea erabaki zuenetik hiru kontzertu emateke geneuzkan eta atzerako kontaketa bat bezala izan ziren. Taldea gelditu eta zer egingo dugu talde bezala, pertsona bezala, pentsatzen hasi ginen eta konturatu ginen nahi genuena segitzea zela, eta segitzeko behar genuena baxulari bat zen. Kasualitatea, urrunera begiratzen ari ginela ia zapaldu egiten dugun lagun bat genuen gure alboan, koadrilako tipo bat. Nahiz eta gitarrista izan, esan zuen: nahi baduzue, nirekin kontatu eta hurrengo egunean, zuzenean, eskatu genion. Hortik hona hamaika hilabete pasatu dira eta planteamendua disko berri bat egitea zen. Anderren sarrerarekin gauza batzuk landu ditugu lehen igual horrenbeste zaintzen ez genituenak. Eta horregatik atera da landuagoa disko hau eta oso gustura gaude.

Ander, gainera, ez da hasiberria honetan