Zuei dagokizuenez, dena hasi zen Getxon (Bizkaia)?
Getxoko Udaleko Kultura Saileko taldeak udalerriko taldeei laguntzen zien dirulaguntzak emanez. Gero bazegoen Gwendolyne kontzertu aretoa, pop-rock lehiaketa... Eszena baten garatze prozesurako garrantzitsua izan zen hura, baina ez estilo konkretu baterako, bertan estilo ezberdinak jorratzen genituen taldeak geunden eta.

Hamar urte igaro dira, nola ikusten duzue gaur egun guzti hura?
Beti dago ondo dirulaguntzak izatea, diskoak grabatzeko, promozionatzeko eta abar dagoen krisialdia kontutan izanda. Eskertzekoa da garai hartako udalaren lana, baina, hala ere, mugimendu hura berdin existituko litzateke. Eta, gerora begira, Getxoko taldeen kalterako ere izan zen, udalerritik kanpo sarritan gaizki begiratzen gintuzten, udalak jarritako taldeak bagina moduan.

Eta zuek, nola bizi izan zenuten Bilbo eta inguruetako 80. hamarkadako musika?
Gaztetxoak ginen garai hartan. Musikalki gure anai nagusiek entzuten zituzten taldeak genituen etxean. Algortako Portu zaharrean ere ikusten genituen kontzertuak. Eta gero Bilbon sorturiko eszena ezagutu genuen, Zazpi Kaleetan, Muga tabernan, Gaztetxean edota Gaueko tabernan. Berton hasi ginen lehenengo taldeak zuzenean ikusten: Los Clavos, Cancer Moon, Los Bitxos, La Perrera, edota nazioartekoak, Devil Dogs, Godfathers, Raunch Hands