Orain dela lau urte, Rude Taylor, Eva Brown eta Txarly Brown-ek, (The Nairobi Trio) ipini zuten martxan Bussines Class zigilua Bartzelonan. Eszena pixka bat astintzea eta umore handiz disko bereziak kaleratzea zen beren asmoa. Guztira, binilozko hamar bat disko argitaratu zuten, zeinetan artista edo kolaboratzaile askok (musika nahiz diseinu alorretan) parte hartu zuten. Orain, pertsiana jaisteko ordua iritsi zaie eta KD bikoitz batekin agurtzen dira. Iraganeko eta egungo kontuak jakiteko ondoko elkarrizketa hau egin diegu The Nairobi Trio-ko pertsonaiei.