Ez da inondik inora ohiko taldea Bat Gehio. Katalunian sortu arren, Paisos Catalans eta Euskal Herriko lagunak elkartzen dira bertan. Hemendik dator Gaztelupeko Hotsak diskoetxearekin atera berri duten diskoaren izena: Diaspor han. Euskaraz abesten dute eta rumba, popa eta flamenkoa modu naturalean nahasten dituzte. Eneko Narbarte (gitarra elektrikoa, koruak), Guillermo Trujillano (gitarra, koruak), Juan A. Gerra (baxua), Davis Carreras (bateria) eta Julen Cobos (ahotsa), dira taldeko partaideak. Azkenekoa mintzatu zaigu proiektu bitxi honi buruz.