Urgabe taldeak musikarako abilezia bikaina dauka, eta ofizioa musika herrikoia lantzeko. Taldea 1994an hasi zen lan egiten arlo horretan, eta handik hona ohiko talde eta nahitaezko talde bihurtu da jaialdi eta erromeria askotan; hala, 500etik gora kontzertu eskaini dituzte Euskal Herri osoan. Urgabe, batez ere, agertokian jotzeko taldea da, zaildua eta freskoa. Horixe da taldearen mamia eta azken lanaren funtsa: "Hi bizi hadi" bizkor ekoitzi da, zuzeneko saioei erreparatuta. Eta zalantzarik gabe, naturaltasun eta erraztasun handiak eman dizkio horrek diskoari.