Supercools Bergarako talde gaztea da. Hala ere, 80ko hamarkadako hardcorearen iturri jorietatik edaten dute euren musikari itxura emateko tenorean, eskola zaharreko tankerak bereganatuz. Beren estreinako lana "do it yourself" filosofiari jarraiki egin dute eta kontzertu dezente ematen ari dira Euskal Herriko gaztetxe eta aretoetan. Zuzenean Bap!!, Verbal Assault, Gorilla Biscuits edota Poison Idea taldeen bertsioak jotzen dituzte.