Talde rockeroa da. Baina, hemen Euskal Herrian "rock" deitzen dugun horretatik aldentzen den musika egiten duen banda. Ez baitira metaleroak, ezta punkyak, ezta gure labela eraman dezaketen horietako talde bat ere. Ez, Split 77 entzun eta lehenbizi geratzen zaizuna, bere soinuaren nazioartekotasuna da. Hemengoa den bezala, hangoa edota haratagokoa ere izan bait liteke talde hau. Baina ez, Bizkaikoa da. Deustukoa. Crescendoa-ren errege kantu askotan. Beti intentsitatearen bila. Ez dakit zenbat hamarkadetako rockaren eraginak aitortzen dituzte mutil hauek: Velvet, Bowie, Smashing, Placebo... eta ziurrenik, denetatik zerbait utzi dute abesti hauetan, baina beti oso moderno, dena gaurkotua.