Punk rock inguruko musika jotzeaz aspertuta, Haritz Artola eta Aitor Aldanondo (Brigada Criminal taldeko kide ohiak), Jon Zangitu eta Joseba Garcia de Andoinekin (Txinaski taldeko kide ohia) elkartu, eta Fiachras taldea sortu dute. Distortsioa eta erritmo azkarrak utzi, eta gitarra akustikoak, akordeoia, klarinetea eta organoa erabiltzen ausartu dira, beste erritmo batzuk lantzen. Bilaketa, desioa, amodioa, eta beste hainbat sentimendu eta kezken inguruan kantatzen dute, euskaraz eta gazteleraz, rock, country eta amerikar folk kutsuko doinuak baliatuz.