Berri Txarrak taldeak 1997an hartu zuen bataioa euskal musikaren esparruan, denboraren joan etorriarekin Euskal Herriko rock talde garrantzitsuenetakoa bihurtzeraino. 1997 urrun horretan, noski, ezin imajinatu genezakeena lortu dute: pertsonalitate eta izaera zanpagarriko taldea eraikitzea, belaunaldi gazte askoren erreferente eta ispilu (bere garaian Su ta Gar izan zen bezala) izatea, eta inportantena dena, talentudun eta kalitatezko musika egitea. Denboraren poderioz, diskoz disko, kontzertuz kontzertu, denen errespetua eta begirunea lortu du Lekunberriko taldeak.