Markina eta inguruko musikariek osatzen dute taldea. Urdulizko Tio Pete estudioan grabatu dute euren lehen disko luzea. Bertan euskaraz abestutako 15 kantu propio jasotzen dira, ingeleraz eta gaztelaniaz bat edo beste tartekatuz. Aterkings beste hainbat bandetatik pasatako musikariekin osatu zen 2000. urtean. Bere burua ezagutzera emateko autoekoiztutako maketa bat kaleratu zuten. Bertan garbi utzi zuten zein zen euren estiloa eta bidea: Rock talde klasikoek eta gaur eguneko banda erritmikoek erakutsitakoa. Rockanroll azeleratua ederto lantzen dute, zuzenean kontzertu sutsuak eskainiz.