Euskal Herriko pop berriaren ildoak irekiko ditu. Konplexurik gabe egindako diskoa da. Ingalaterrako poparen usainaren ondora dator, 70 eta 80ko hamarkadetan egiten zen antzera, non baxuaren indarrak mantentzen zuen poparen hauskortasuna sendo eta trinko. Melodia kutsakorrez betetako diskoa da, baina ez horregatik goxoegia. Bateria akustikoa eta erritmo kutxa gehi programazioak kantu batzuetan uztartu egiten dira 80ko talde pop elektroniko batzuekin gertatu zen legez.