Eskusoinu bati eraginez hasi zen Aingeru Gorrotxategi musika interpretatzen nahiz ikasten. Hamabost-hamasei urte zituela rockarekin interesatu zen. Ordutik, gitarra da gehien landu duen musika tresna. Bere abestiak gitarraren laguntzaz idazten hasi zen. Ordenagailuak ere gustukoak ditu Aingeruk, tresna hauek eskaintzen dituzten aukera ugarien artean norberak bere abestiak graba baititzake. Meinhattango kantuak da bere estreinako lanaren izenburua. 2011ko uztailean argitaratu zuen bigarren diskoa, Saguekin dantzan izenekoa, auto-ekoiztua. Hemen ere, pop-rock akustikoari heldu zion Aingeruk gehienbat. Bueltaka da bere hirugarren diskoaren izenburua, 2013. urte bukaeran argitaratua.