Urtero, urtarrilean, Etxarri Aranatzen egiten duten elkartasunezko kultura jaialdia da Zama Doinz Arindu. 2021ekoa seigarren edizioa izango da, eta Covid19aren pandemiak baldintzatuko du, ezinezkoa izango baita zuzenekoak bertatik bertara herriko kulturetxean jarraitzea.
Baina antolatzaileek (Etxarriko Sare eta senideak) aurrera egin nahi dute eta, horregatik, streaming bidez emititzea erabaki dute.
Eñaut Elorrieta, Erramun Martikorena, Zetak, Skabidean, Anita Parker eta Brigade Loco igoko dira oholtzara; eta Xabier Silveirak, Spray-k eta Erlantzek ere parte hartuko dute kontzertu-ikuskizunean.
Sarrerak dagoeneko salgai daude 10 euroko prezioan. Etxarri Aranazko Xapatero eta Leku Ona tabernetan eskuratu daitezke, baita esteka honen bitartez ere.