Irun Zuzenean musika jaialdiaren 2022ko edizioak musikaz beteko du Ficoba erakustokia irailaren azken asteburuan. Espainiar estatuko nahiz Euskal Herriko hainbat taldek beteko dute eszenatokia.
Zahara eta Ivan Ferreiro iragarri dituzte kartelburu gisa, baina Ginebras, Maika Makovski eta Jordana B artistak ere ariko dira zuzen-zuzenean.
Euskal eszenari dagokionez, Maren, Ezpalak, Dupla, Impacto Vudu eta Malforta taldeen izenak ageri dira afixan.
Asteburu osorako bonuak salgai daude 30 euroren truke.