Joko Bat izeneko bideosinglea atera berri du Xatiro rapeatzaile bilbotarrak. Dance eta funky erritmoak nahastuz, beregandik ohikoa den legez, zine nahiz musika unibertsoko autoreei erreferentzia eginez josi ditu hitzak.
Cassiopeia lan osoa Sareratu zuenetik dago entzungai Joko Bat. Konfinamenduak, ordea, errimei irudia jartzeko beharrezko inspirazioa ekarri dio Xatirori. Eta hala, animazio-lan bat osatu du YouTube kanalean eta bere beste plataforma digitaletan ikusgai dagoen bideoklipa.