Intertour Music, A New Label, Virus Entertainment SL, MPR Produktions & Management eta La Agencia Music apustu berri bat aurrera ateratzeko elkarlanean jarri dira. Beste edizio askoren aurrekari izango den I. Valar Metal Fest jaialdia antolatzen ari dira 2020ko apirilaren 18rako. Metalzaleentzako hitzordua Gasteizko Urban Rock Concept aretoan izango da.

Estreinako aldirako kartelburu Leize eta Natribu bandak aukeratu dituzte. Baina Left4everband eta Delion ere igoko dira oholtza gainera. Data hurbildu ahala, informazio gehiago helaraziko dute ekitaldiaren webgunean.

Momentuz, sarrerak salgai jarri dituzte BIPBIPTicketa plataforman; eta aurki Urban Rock Concept aretoan bertan ere eskuragarri izango direla iragarri dute.