Gauzak desberdin egin nahi izan ditu U.K. Bill taldekoak bere hamargarren urteurrenean. Grabazio saioak eta bideoklipak tartekatu dituzte, kantuak apurka aurkezten joan dira eta abestiei ere buelta gutxiago eman dietela aitortu dute, freskotasun eta bat-batekotasunaren mesedetan.
Iker Iparra, Oier Txope, Unai Corral eta Rafa Cabeza Garate estudioetan grabatzen ari dira laugarren diskoa Martxel Arkarazorekin. Aurtengo maiatzean bost abesti grabatu zituzten eta orain beste bost grabatu berri dituzte diskoa osatzeko. Martxel bera arduratu da ekoizpenaz.

Urte hasieran Gure hitza abestia aurreratu zuten (Hitza aldizkariaren 10. urturrena ospatzeko) eta urrian Ez nigana hurbildu. Hilabete honetan Ez nago lo 3. abestia aurreratuko dute bideoklip eta guzti, Unai Aranak zuzenduta.

• Disko berria, abenduaren 1ean kalean izatea espero dute.