2022ko Udagoieneko Ostera Musikaren Katebegiak kontzertu zikloak 4 musika estilo, 8 talde eta 4 kontzertu dakartza azarorako. Egitarauak talde beterano eta berriak elkartuko ditu oholtza, “musikaren sokak etenik ez duela erakutsi eta entzuleari aparteko bidaia musikal bat eskainiz”.
Folk, Rock, Pop eta estilo Urbanoko 4 kontzertu izango dira, “soka beraren hari-muturrak elkartzen dituzten katebegiak”.
Bizkaiako beste horrenbeste herritan egingo dituzte 4 emanaldiak:
BILBOn, azaroaren 3an: Korrontzi + Kalakan
IGORREn, azaroaren 12an: Niko Etxart eta Hapa Hapa + Kerobia
ZALLAn, azaroaren 19an: Lin ton taun + Sua
BERRIZEN, azaroaren 26an: La Basu + Jmartina
Jon Martinez 'Txiki' umoregilearen bakarrizketa saioek borobilduko dituzte emanaldiak.