Irailaren 14tik 18ra bitarte egingo dute Getxoko Folk Jaialdiaren 38. edizioa. Hamabost kontzertuk osatuko dute programa, eta emakumeek protagonismo berezia izango dutela iragarri dute antolatzaileek.
Zuzeneko guztietatik hamar Algortako Portu Zaharrean izango dira, doan. Beste bostak, aldiz, ordainpekoak, Muxikebarri aretoan izango dira.
Hain justu, Muxikebarriko agertokian egunero emakume bat izango da, eta 20:00etan izango dira kontzertu horiek:
Irailak 15, osteguna: Tanxugueiras hiruko galizarra.
Irailak 16, ostirala: Enredadas laukoren kopla tradizionalak.
Irailak 17, larunbata: Maria Arnal i Marcel Bages bikote katalan entzutetsua.
Algortako Portu Zaharreko saioak, aldiz, 18:00etan eta 23:00etan izango dira.