Iker Villa (Revolta Permanent), Aritz Mendiola (LauKatu), Xabier Bengoa (LauKatu), Oihan Moreno eta Lander Campos musikariek osatzen dute STR, 2019an Bizkaian sortutako taldea.
Gaua estudioetan grabatu eta Baga-Biga Musika Ideiak-ek ekoitziriko Göxö EP digitala aurkeztu berri dute. Pop-trap estiloko bost abesti dira, bareak eta malenkoniatsuak. Erritmo geldoak erabili dituzte egunerokotasunari erreferentzia egiten dioten testuak kantatzeko.
Bestalde, Göxöki singleak eta honi dagokion bideoak hausnarketa irekia egiten dute sexuaz, queer zipriztinekin.