Bilboko Udalak sei kontzertu antolatu ditu jazz musika hiriko auzoetara hurbiltzeko.
Egungo jazzaren erreferentziazko artistek hartuko dute parte: Itxaso Quartet “Gaztelugatxe”, Trio Capital, Angel Celada Slow hirukoa, Angel Unzu hirukoa Andrezj Olegniczakekin batera, Miguel Villar laukoa eta Horda taldea.
Emanaldi horiek eskaintzeko agertoki hauek hautatu dituzte: Bilboko Elkarte Filarmonikoa, Bertendona Institutua, Bidebarrieta Liburutegia, Bilborock aretoa, eta Otxarkoagako eta Errekaldeko udal zentroak.
Zuzeneko guzti-guztiak Bilbao Distrito Jazz jaialdiaren XXI. edizioaren egitarauaren parte izango dira.