Bartzelonako ESMUC-en goi mailako ikasketak bukatu ostean, Eñaut Zubizarreta biolontxelo jotzaileak Trigger ezizenaz ekin zion bere instrumentuarekin esperimentatu eta bide berriak arakatzeari. Esku artean duen Poliedro Vol.1 proiektua, zehazki, 2019an abiatu zuen.
Orduz geroztik, teknika berrien ikerketa eta aplikazioaren bitartez, biolontxeloarekin interpreta daitezkeen musika-estilo ezberdinekin eta hainbat formaziorekin jolasean aritu da.
Emaitzetako bat, 19 abestiz osatutako diskoa da, forma eta kolore anitzekoa: Aurretiko Bistan txelo solorako 10 lan (punk-rock, grunge, hardcore, flamenko…); Albotiko Bistan bikote eta hirukoterako 6 lan (metal, stoner, post-rock…); Goitiko Bistan, berriz, loop eta pedal-efektuentzako 3 lan (DnB, trance…).
Liburu berberak, bestalde, mendebaldeko kulturari eta musikari nahiz euskal musika eszenari buruzko saiakera bat ere jasoko du liburuak. Proiektua gauzatzeko crowfounding kanpaina martxan da itsulapikoa.eus atarian.