Black Francis (ahotsa eta gitarrak), Joey Santiago (gitarrak), David Lovering (bateria) eta Paz Lechantin-ek (baxua) osatutako taldeak Dreamland Recordings estudioetan grabatu dute euren disko berria, 1896an eraikitako eliza eraberritu batean, Woodstock-etik gertu, New Yorken.
Grabaketa eta grabaketa artean egiten zuten atsedenaldietako batean, estudio alboko zuhaitz baten adarretan, arrano-habi handi bat ikusi omen zuten, eta horregatik ipini zioten Beneath The Eyrie izena 12 kanta biltzen dituen disko honi.
Estreinuak mundu mailako bira handi bat dakar berarekin, Californian hasi eta Coruñan (Galiza) amaituko dena. Izan ere, azken hiru kontzertuak espainiar estatuan ematea aurreikusi dute, urria amaieran:
Urriak 23: Sant Jordi Club, Barcelona
Urriak 24: Riviera, Madril
Urriak 26: Coliseum, A Coruña