Arthur Jeffes konpositoreak 2009 urtean sortu zuen Penguin Cafe, bere aita Simon Jeffesek Penguin Cafe Orchestra mitikoarekin urratu zuen bideari jarraipena emateko (azken hau duela 10 urte hil zen, 1997an). Horretarako, punta-puntako musikariak hartu zituen bidelagun, besteak beste, Suede, Gorillaz edota Razorlight taldeetan ibilitako sortzaile apartak.
Dagoeneko hiru disko kaleratu dituzte; berriena iragan urrian: Handfuls of Night, eta honen baitako lehen siglea, At The Top of The Hill.
Penguin Cafek egiten duen musikak Penguin Cafe Orchestrak egiten zuenaren ezaugarri guztiak barnebiltzen ditu, batez ere aniztasuna. Popa, klasikoa, jazza, musika latinamerikarra, rock & rolla, new age, minimalismoa… denetarik jotzeko gai dira.
Datorren urtarrilaren 19an Bilboko Arriaga Antzokian emango dute kontzertu, hain justu, lan berria aurkezteko. Sarrerak eskuragarri daude jada.