Musika bultzatuz lemapean, egitarau bete-betea dakarren zazpi eguneko outlet azoka egingo dute Mungiako Zubikoan: CD eta merchandising salmenta, kontzertu akustikoak, hitzaldiak, disko-sinadurak, argazkiak…

Besteak beste, ETS, Doctor Deseo, Kulto Kultibo, Dientes de Luna, Txapelpunk, Revolta Permanent, Iñaki Palacios, Reincidentes, Baxtardis, Patxuko Nice, Modus Operandi, Amak, Xabi Aburruzaga, Guda Dantza, The Uski’s, Hesian, La Topadora, Ingo Al Deu, Trikizio, Zirkinik Bez eta Gora Herria taldeek lanak eta materialak izango dira outletean. Eta, gainera, talde horietako zenbait kidek hitzaldietan parte hartuko dute, eta kontzertu akustikoak ere izango dira.

Honakoa da egitaraua: 

EKAINAK 29
18:00. FiFa txapelketa + Errealitate birtualeko jolas musikala

EKAINAK 30
17:00. Hitzaldia. Emakumeak musikan: egoerak eta egungo erronkak.
Parte hartzaileak: Aneguria (musikaria) eta Ane Zabala (kazetaria).
19:00. Emanaldia. Guda dantza (akustikoa).

UZTAILAK 1
17:00. Hitzaldia. Streaming-era doa musika? Zein izango da komunikabideen estrategia?
Parte hartzaileak: Inguma (etb), Oihan Vega (Gaztea).
19:00. Iñigo ETS: solasaldia + akustikoa + disko sinaketa.

UZTAILAK 2
17:00. Dientes de Luna (akustikoa)
19:00. Fran Hesian (kantaldia)

UZTAILAK 3
17:00. Txapelpunk (akustikoa)
19:00. La Topadora (akustikoa + disko sinaketa)

UZTAILAK 4
17:00. Patxuko Nice (akustikoa)
19:00. Kulto Kultibo (emanaldia + disko sinaketa)

UZTAILAK 5
13:00. Francis Doctor Deseo (disko sinaketa)
19:00. Xabi Aburruzaga (emanaldia)