Sua, The Lizards, Toundra, The Riff Truckers, Niña Coyote eta Chico Tornado, Kurkuma eta Eraso! ziren Orozko Rock 2020 festibalerako konfirmatuta zeuden zazpi taldeak. Baina kontzertuak ezingo lituzkete aurreikusitako moduan egin eta, ondorioz, antolatzaileek bertan behera uztea erabaki dute.

Azken asteotako berragerpenek gogortu egin dituzte segurtasun neurriak, eta ezinezkoa bilakatu da jaialdia pentsatu bezala gauzatzea. Antolatzaileek adierazi dute, hori bai, 2021ean “inoiz baino indartsuago” bueltatuko direla.

Sarrerak itzultzeko, Internet bidez erositakoak automatikoki itzuliko dituzte, eta Orozkotik kanpoko salmenta-puntuetan erositakoak puntu horietan erreklamatu beharko dira. Orozkon erositakoak abuztuaren 28an eta irailaren 5ean itzuliko dituzte, Herriko Plazan, 18:00etatik 21:00etara arte.