Rock indartsua jorratzen dute, melodikoa, Xarmaren bidetik askotan eta iturri askotarikoa, baina gitarra zorrotzetan hezurmamitzen dena. Baina, batez ere, emakumearen begiradatik eta kezketatik egindako disko bat da, non bulimia, emakumeen kontrako tratu txarrak, emakumeek euren bizitza besteen zaintzangaltzeko joeraren inguruan... mintzo den Itsaso Gutierrez.
Hain zuzen ere, Itsaso 1998tik munduan dabil musikan, Jauko Barik taldearen sorreratik, konpositore, gitarra-jole, abeslari eta letra egile gisa. Eta orain, On taldearen gidari dugu. Udan Donostiako Izan Pirata lehiaketaren irabazle suertatu ziren eta aitzaki horrekin, Neu Nabigatzera kanta egin zuten Fer Apoaren kolaborazioarekin.
Uztaila eta iraila bitartean beraien lehen lana grabatu dute, On, hamaika kantu biltzen dituena. Bilboko Koba estudioetan grabatu dute Xanpe teknikariarekin. Ikasle Abertzaleak-entzako ere kantua prestatu dute, non Fermin Muguruzaren eta Andoni Delirium Tremens-en kolaborazioa izan duten.