Urtebete joan da Sega Sound Killers taldeak azken zuzeneko emanaldia egin zuenetik; Gasteizko Jimmy Jazz aretoan izan zen. 2019ko azaroan kaleratu zuten EPa aurkezten zebiltzan orduan.

Hilabete hauek guztiak lanerako erabili dituzte, eta aurkeztera doazen diskoa da horren fruitua. New Sound da datozen asteetan aletuko dituzten kantetan lehena. Pieza elektroniko eta dantzagarri bizia, punk ukitu bat ere baduena. 

Taldekideen beraien hitzetan, “disko berria pilula kaxa baten modukoa da, eta norberak aukera dezake urdina ala gorria hartu; dantzatu ala headbanging egin”.