Nafarroatik datorren proposamen berria da Nahiak Nahi. Boskoteak Jarrera bidea da izeneko lehen diskoa kaleratu du Gor Musika diskoetxearen eskutik. Nahia Ojeta (ahotsa eta gitarra akustikoa), Iñaki Pulido (baxua eta koroak), Ruben Matilla (gitarra elektrikoa), Iñaki Santos (gitarra elektrikoa) eta Jaitxo Segura (bateria) boskotea dira. Iragan abenduaren 12an aurkeztu zuen diskoa Iruñeko Nafarroako Antzerki Eskolan. Ezagun, zale eta jarraitzaile guztiekin batera bete zuten aforoa, eta giroa bikaina izan zen. Orain, debut kontzertu hartan grabatutako irudiekin klip homonimoa osatu dute, eta Sarean eskegi dute.