Klikatu argazkien gainean handiago ikusteko

Estudioko seigarren lanarekin orain arteko salmenta emaitzarik onenak lortzen ari dira Los Punsetes taldekoak. Izan ere, Aniquilados disko berriak Madrilgo bandak orain arte erakutsitako alderdi guztiak nahastu eta bategin ditu: bere hiten puncha, noisea, intrumentazioa, ambient uneak, hardcore momentuak, garapen landuagoak... Orain arteko proposamen oso eta aberatsena dakarte, azken batean.

12 kantaz osatutako disko hau apirilean atera bazuten ere, boskoteak oraindik ez du Euskal Herrian aurkeztu. Azaroaren 15ean Bilboko Kafe Antzokian joko dute, eta hurrengo egunean, azaroaren 16an Donostiako Dabadaba aretoan.

Los Punsetes erreferente dira eszena independentean, batez ere euren bat-batekotasunagatik, berehalakotasunagatik, eta baita letretan herri kulturari egiten dizkioten erreferentziengatik ere.