Gernikako Lekuek jaialdiak aurtengo datak iragarri ditu: martxoaren 13tik 21era egingo dute festibala. Zortzigarren edizioa izango da eta, oraingoan, astebete iraungo duen formatu txikiko eskaintza da herritarrei zein jarraitzaileei egin dieten proposamena.
Zuzenekoak Iparragirre, Lizeo Antzokia eta Astra guneetan zear banatuko dituzte, pilaketak ekiditeko. Dagoeneko argitaratu dute kartela, eta jaialdian izango dira Rita Payes, Rudiger, Teksuo, Labana, American Folk Singer, Tashakor, Vulk, Elle Belga, Aiama & Aneguria, Knives, Azken Sustraiak, Feline eta Euskatalites.
Iban Sainz Jaio gernikarra da kartelaren egilea. Sarrerak dagoeneko salgai daude.