Iragan urtarrilean auto istripu batean zendu zen Leire Iribarn, Diaboñp Kiwi taldeko abeslari eta musikaria, omentzeko jaialdia antolatu dute. ‘Loturak Festibala’ deitu diote, eta Donibane Garaziko gaztetxean ospatuko dute, ekainaren 16, 17 eta 18an. ‘Harremanak sendotuz zauriak sendatu’ lelopean, Iribarnek adiskide eta bidelagun zituen hainbat artista batuko dira.
Hala, ostegunean, ekainaren 16an, Milo taldeak joko du, 20:00etatik aurrera. Brasilgo abesti ezagunak interpretatuko ditu bikoteak. Ostiralean, ordu eta toki berean, Asbah hirukotea arituko da eta jazz emanaldia eskainiko du.
Larunbatean, ekainaren 18an, Lasako gelan hainbat kontzertu izango dira 18.00etatik aurrera. Julii Sharp folk abeslari eta gitarrista, Urgatz taldea, Ocr’e elektro-jazz laukotea, LMA raperoa eta Jean Fle DJaren emanaldiak izango dira.