Uztaileko ostegunetan, hilaren 15etik 29ra bitarte, doako kontzertu bana izango da Usurbilgo Mikel Laboa plazan. Ekimenak seigarren urtea beteko du aurten.
Uztailaren 15ean Ibon Rg eta Enrike Hurtadoren kontzertua izango da, arratseko 22:00etan. Hilaren 22an, Aire Ahizpak taldea joango da Urepeletik. Eta Garazi Navas akordeolari bizkaitarrak joko du uztailaren 29an. Doakoak dira emanaldi guztiak.