Iaz 40 urte bete ziren La Polla Records banda sortu zenetik eta, urteurrena ospatzeko, Levántate y Muere izeneko bira luzea abiatu zuten. Hala, 16 urteren ostean, Evaristo eta besteak eszenatokietara itzuli ziren.
Orain, kontzertu-sorta hark utzitako unerik onenak bildu eta disko-DVD homonimoa osatu dute. Lanak 2020 urte amaieran ikusiko du argia baina, aurrerapen modura, Salve (directo 2019) zabaldu dute sare sozial eta plataforma digitalen bitartez.
80ko hamarkadan sortutako banda mitikoa zuzenekoan ikusteko aukera ere bada; Levántate y Muere birarekin jarraituko baitute 2020 eta 2021 urteetan ere.
Info osoa: lapollarecords.net