Berriak
2019-11-29
Bidali zure berriaLa Pegatina kataluniarrek lan berria iragarri dute 2020rako
Urtea hastearekin batera atsedena hartuko omen dute, baina datorren urte amaierarako disko berria prest izango ei dute eta Bilbon geldialdia egingo dutela konfirmatu dute: azaroaren 7an.
Klikatu argazkien gainean handiago ikusteko
La Pegatina zortziko kataluniarrak 16 urte bete ditu 2019 honetan, eta urteurrena ospatzeko Un secreto a voces bilduma kaleratu zuten irailean. Inoiz argitaratu gabeko kantaren bat sartzeaz gain, hainbat musikariren kolaborazioarekin osatu zuten disko hori, tartean, Love of Lesbian, Rozalen, Nil Moliner, Ska-P eta Eva Amaral.
Halako urte amaiera intentso baten ostean, 2020a atsedena hartuta hasiko dutela iragarri dute. Baina, era berean, datorren urte amaierarako beste disko bat kalean izango dutela baieztatu dute eta honezkero hasi dira zenbait data aurreratzen. Beste show edo eszenaratze formatu bat ere prestatuko omen dute ordurako, eremu handietara egokitua. Haize instrumentu asko, doinu alaiak, dantzagarriak eta festa giroa; hori ez da aldatuko.
Euskal Herrira 2020ko azaroaren 7an iritsiko dira, Barakaldoko BECera hain zuzen. Sarrerak abenduaren 2tik aurrera salgai.
Artaxona, 22-1.go
31.015 Iruñea (Nafarroa)
Tel. 948 12 19 76
entzun@entzun.com
twitter: @entzuner
egitasmo bat
Atari honetako testuak
Creative Commons-en
baimen baten mende daude.
