Alarma egoeran jarraitzen dugulelopean, Teknikariok sindikatuak deituta, kultur arloko profesional hauek manifestazioa egin dute Bilbon. Lehenago ere egin izan duten moduan, beltzez jantzita joateko deia egin dute bultzatzaileek, eta lanean erabiltzen duten mahai teknikoen kutxak ere eraman dituzte. Asteak daramatzate sektorearen egoera larriaz ohartarazten, eta manifestazio baten bidez atera dute salaketa kalera.
Sindikatuak emandako datuen arabera, ikuskizun eta emanaldietako langileen %20k ez dute inolako diru sarrerarik koronabirusaren krisia hasi eta kultur ekitaldiak kolpean murriztu direnetik. Uda izaten da, gainera, teknikariek lan gehien izaten duten sasoia. Beren egoera aintzat hartuko duen plan bat eskatu diete berriz instituzioei, «gutxiengo soldata duin bat» bermatzeko.