World Music Charts-en apirileko argitalpenaren arabera, Korrontzi euskal folk taldearen Topak disko berriena mundu mailako onenen artean dago. Hain justu, eipaimahaiak 10. postua aitortu dio.

Agus Barandiaran (Korrontzi) eta Mikel Unzurrunzaga (Dj Makala) musikariek 2019an elkarrekin abiatutako abenturaren emaitza da Topak. Euskal musika tradizionala eta musika elektronikoa uztartuz, errepertorio tradizionala ikuspegi garaikide batetik dimentsio berri batera eramateko gaitasuna baloratu du World Music Charts-eko epaimahaiak.

20 erreferentziako top zerrenda horretan beste hainbat izen eta disko garrantzitsu ageri dira: Old Wow (Cooking Vinyl, UK), Lina Raül Refree (Lina Raül Refree, Portugal eta Espainia), eta Brasses for the masses (Dzambo Agusevi Orchestra, Mazedonia), besteak beste.