Mikel Laboak eta Joxean eta Jexux Artze anaiek 1975-1978 bitarte taularatu zuten hainbat lekutan Ikimilikiliklik ikus-entzunezkoa. Lehenengo aldiz Algortan, azkenekoz Parisen. Orain, CD bikoitz formatuan argitaratu du Elkar etxeak; LP bikoitza udazkenerako iragarri dute. 

Ikimilikiliklik Ikuskizunren muntaia Joxean Artzeren lana izan zen. Mikel Laboak kantu tradizionalak abestu zituen, baina autore garaikideen testuak ere musikatu zituen; tartean, Artzeren beraren zazpi poema.

Hain justu, Joxean Artzeren etxean topatutako hazbete laurdeneko bobina batean zegoen grabatuta orain digitalizatu dutena. Zehazki, 1975 eta 1976 artean egindako grabaketa bat da.