Beste jaialdi asko bezala, Hatortxu Rock ere geldirik egon da bi urtez. Baina itzulera indartsua prestatu dute antolatzaileek 26.ediziorako, ‘Zerua (hel)muga’ lelopean. Aurreko urteetan ez bezala, aurtengoa udan izango da, eta 31 musikari eta banda igoko dira Atarrabiako oholtza gainera.
Berritasun gisa, bi gune eta hiru eszenatokitan banatuko dituzte uztailaren 29ko eta 30eko emanaldiak. Egun bakarrerako sarrera 30 eurotan dago salgai, eta asteburu osoko bonuak 55 euroren truke. Guztiak jaialdiaren webgunean eskura daitezke, baita informazio zabalagoa ere.
Ostiralean Huntza, Gatibu, Deskontrol, Zoo, Brigade Loco, Skabidean, DJ Plan B, Anari La Mare, Gilipojazz, Sua, Badalonians Sound ft Harny Roots eta aurretik iragarritako Pleura, ETS eta The Baboon Show arituko dira.
Larunbatean, berriz, The Lio, Delirium Tremens, Zetak, Antton Telleria, Ibil Bedi, Hammond York, Zelanda, Lukiek, Sleketah Stepi, CRIM eta iragarritako Non Servium, Stay Homas, Herdoil Rotten XIII eta Green Valley igoko dira oholtzara.