Zaldibarko zabortegia erori eta Joaquin Beltran eta Alberto Sololuze hil zirenetik urte bat betetzear denean, gertatu zena oroitzeko ekitaldia antolatu du Zaldibar Argitu plataformak. Urtarrilaren 23an izango da Eibarko Armeria Eskolan ‘Lagundu argitzen’ izenburupean, eta musikari eta sortzaile ezberdinek parte hartuko dute.
Jardunaldia 12:30ean hasiko da eta Liher, Petti, Sastraka, Olatz Salvador, Miren Amuriza, Udane Eskudero, Aritz Salamanca, Antton Fernandez, Aiora Etxebeste eta Mattin Etxebeste, Miren Narbaiza, Zaloa Urain, Maite Mursego, Nerea Ibarzabal eta Eneko Sagardoy igoko dira oholtzara.
Bestalde, egun berean jarriko dute martxan epaiketak ekarriko dituen gastuei aurre egiteko crowdfunding kanpaina.