Klikatu argazkien gainean handiago ikusteko

Zazpi Bala - Guda Dantza

Guda Dantza - Nekaturik

Zazpi Bala izeneko singlea eta bideoklipa sareratu du Guda Dantza taldeak. Uribe-Kostako seikotearen lan berriak urriaren 13an ikusiko du argia, baina aurrerapen-kanta hori zabaldu dute Ytb, Fc, In eta Tw sare sozialetan, diskoaren lagin modura. Emakume ahots bat entzun daiteke funk, ska eta soul doinu artean: Liher rock taldeko Lide Hernando da, Zazpi Bala singlera ekarri duten kolaborazioa. 

Lehenago ere, udaberrian, beste bi pieza zabaldu zituzten: Pizten Doa, eta Nekaturik. Azken horrekin batera, gainera, bideoklip koloretsua plazaratu zuten. 

Leioa eta Algortako seikoteak hamar urte bete ditu aurten musikagintzan. Orain arte Lainoak eta Oskarbiak (2014), Labarren ERtzean (2016) eta Argibideak (2018) lanak kaleratu dituzte. Urria erdialdera Baga-Biga Musika Ideiak-en eskutik helduko dena izango da, beraz, laugarrena. Ska, funk, soul…doinuetan dantzan dabil seikotea.