Euskal taldeek musika jarriko dute. NAIZ atariak hedapena. Eta euskal jendarteak, ikus-entzulegoak, ‘mikro’ diru-ekarpenekin babestuko du garaiotan hain larri dabilen euskal musikaren industria: prezioak 3 eta 6 euro bitartekoak izango dira. 

Ekainaren 5a, ostirala, da NAIZ Kontzertuak formatu berri honetarako aurreikusitako aurreneko hitzordua. Gatibuk zabalduko du zikloa, izan ere, pandemiak taldearen 20. urteurrena ospatzeko biran buru-belarri sartuta harrapatu zuen banda bizkaitarra.

Ondoren, beste lau kontzertu etorriko dira. Eta, antolatzaileek iragarri dutenez, funtzionatzen badu, ekimenarekin aurrera segiko dute:

Ekainak 12: Nøgen
Ekainak 19: Zetak
Ekainak 28: Huntza (igande batez)
Uztailak 3: En Tol Sarmiento

Aretoak zein izango diren ez dute zehaztu oraindik, datozen egunotan iragarriko dute.