Covid19aren ondoriozko itxialdia ezartzearekin batera hasi zen Gartxot ‘Kuarentena Sessions’ delakoak egin eta sare sozialen bitartez zabaltzen. Bertako nahiz nazioarteko artisten kantak bere egin, moldatu, eta Instagram bidez argitaratzen.
Bi-hiru egunean behin sareratu du cover bat etxetik. Hasieran bakarrik aritu zen nagusiki, baina beste musikari batzuekin kolaborazioan ere argitaratu ditu grabaketak; tartean, Olatz Salvador, Iker Lauroba edota Izaro Andres.
100 kuarentena session osatzeko erronka ipini zion bere buruari, baita lortu ere! Beharbada, erreprodukzio gehien izan dituena, Bess Atwell-en Grace da, Izaro Andresekin batera moldatua eta Iker Laurobak landutako base baten gainean (98.a izan da). 100. saioa osatzeko, El Kanka-ren Qué bello es vivir aukeratu du.