Kantu, jotze eta dantza flamenkoaren hitzordu garrantzitsua da Flamenco On Fire jaialdia. Aurtengoa VII. edizioa da eta, beste behin, izen handiak ekarriko ditu Iruñea nahiz Tuterako eszenatokietara.
Miguel Poveda, Vicente Amigo, Farruquito eta Remedios Amaya, Pitingo, María Peláe… dira aurtengo programazioa osatzen duten artistetako batzuk. Egitarau osoa eta sarrerak erosteko aukera jaialdiaren webgunean kontsulta daitezke.
2020ko Flamenco On Fire honek, bestalde, Sabicas omenduko du, Iruñean jaiotako gitarra-maisuaren heriotzaren 30. Urteurrena betetzen baita aurten.
Jaialdiaren izen bereko fundazioa 2014an sortu zen Iruñean, flamenkoa zabaldu eta sustatzeko helburuarekin. Flamenko-kultura ikertu, berreskuratu eta zaintzea du xede, baita dantza nahiz gitarra-jotze flamenkoa erakutsi eta hedatzea ere.