Kultura esparruko egile asko ari dira egunotan elkartasun keinuak egiten eta Covid19aren krisialdiaren ondoriozko Alarma egoera eramangarriagoa bilakatzeko baliabideak eskaintzen.

Fermin Muguruzak bere lanak Sareratu ditu osorik. Diskoei dagokionez, momentuz, Brigadistak, ErreMIXak, Asthmatic Lion, Mirant al Cel BSO, Kortatu eta Euskal Herria Jamaika Clash ipini ditu entzungai bere YouTube kanalean.

Bestalde, Nola? dokumentala ere eskegi du. Ikus-entzunezko lan honek Katrinaren ondoren New Orleansko komunitateak izan dituen erronkak eta etorkizunari nola begiratzen dion kontatzen du, 25 musikari eta bi dokumentalgileren begiradatik. Beltza naiz dokumentalak, aldiz, ‘Black is Beltza’ pelikula nola egin zuten kontatzen du. Egunotan gehiago Sareratuko dituela aurreratu du musikariak.