Friuleraz “soinuak” esan nahi du “suns” hitzak. Suns Europe jaialdia Mediterraneoko Alpeen eremuko komunitate gutxituen arteko topaketa modura hasi zen 2009 urtean, baina 2015az geroztik gaur egungo formatu dau: Europa osoko hizkuntza gutxituetan eginiko arte eszenikoen, zinemaren eta literaturaren arteko elkartrukerako jaialdi gisa.

Euskarazko musikagintzaren ordezkari modura,  Etxepare Euskal Institutuak sustatuta, aurten, Ezpalak eta Liher taldeek hartuko dute parte. Auretik La Basu, Eneritz Furyak, Rodeo, Kasernarat edo Mocker’s bezalako euskal taldeek parte hartu dute Suns Europe jaialdian. 

Festibalaren helburua hizkuntza komunitate txikien sektore kultural eta sortzaileak indartzea da, batez ere arte garaikidea suspertzeko. Alegia, ez ditu kultura gutxituak tradizio eta folklore moduan ulertzen, baizik eta etengabeko bilakaeran eta eraberritzean oinarritutako gizarte moduan.