Behin betiko agurraren bira betean harrapatu zituen Covid19 krisialdiak Extremoduroko taldekideak. Etxeko itxialditik, geldialditik, baina, konposaketa berri bat zabaldu du Robek: Yo Me Quedo Contigo Aquí.
Bideoarekin batera partekatu duen mezuan dio seguru aski damutu egingo dela horrelako zerbait Sareratu izanaz, sukaldeko lanak egiten-edo, baina egoerak hauxe eskatzen diola.
Taldeak momentuz ez ditu bertan behera utzi datozen hilabeteetarako aurreikusitako kontzertuak. Euskal Herriari dagokionez, aldaketarik ezean, Bilbon izango dira, uztailaren 18an, Kobetamendin.