Iazkoa pandemiaren ondorioz bertan behera geratu bazen ere, indarberrituta dator Ziburuko euskal liburu eta disko azoka. Bigarren edizioa ekainaren 12an egingo dute, Baltsan elkarteak eta Argia aldizkariak elkarlanean.

Antolatzaileek azaldu dutenez, “Irun eta Baiona artean ez da euskarazko argitalpenei dedikaturiko liburu dendarik", eta horri “erantzun xumea" eman nahi diote. Erdarazko ekoizpenen artean oharkabean pasa ez daitezen, 22 argitaletxeren lanak erakutsiko dituzte.

Bigarren edizioak dakartzan berritasunen artean, Agustin Alkhatek eta Julien Labatek emango duten kontzertua da aipagarriena.